IREO POETA

Moa ireo poeta,tsy mba manam-pifaliana

Sa ireo poeta, mpametsovetso ny haratsiana

Moa ireo poeta, mba manam-ptiavana

Sa ireo poeta, mpamisavisa hasambarana

Moa ireo poeta, tsy mba manan’olon-tiana

Sa ireo poeta, mpamoaka ny haratsiana

Moa ireo poeta, tsy mba manam-paharetana

Sa ireo poeta , mpanaitra ny hatezerana

Moa ireo poeta , tsy mba manana toloko

Sa ireo poeta, manery ny olona hohoko

Moa ireo poeta, tsy mba manana eritreritra

Sa ireo poeta, mpanaitra ny maro mba hihetsika

Tsy iza ny poeta , fa olon-tsotra ihany

Tsy iza izy ireo fa mpandefa ny vinanay

Tsy iza izy ireo , fa olona mpandalina

Tsy iza izy ireo fa mpandefa saina lalina

AINA